1972 жылдан бастап Жаңатаң сегіз жылдық мектебі құрылды. 1972-1976 жылдары аралығында Отаров Тельман мектеп директоры болып жұмыс жасады. Т.Отаров  «Қ.Р-сы білім беру ісінің үздігі» атағына ие.

 1976-1980 жылдары Нұрсұлтанов Нәдірбай директорлық қызметті әрі қарай жалғастырды. 1972 жылы химия және биология пәнінің мұғалімі мамандығын ойдағыдай бітіріп, жаңадан ашылған Жаңатаң сегіз жылдық мектебіне мұғалім және оқу тәрбие жұмысының меңгерушісі болып келген болатын.

1980-1984 жылдары тарих пәнінің мұғалімі  Оразаев Сүйеубай директор болып қызмет атқарды.

1984-1988 жылдары физика пәнінің мұғалімі Сағат Тоқпанбетов мектеп директоры болып жасаса, 1988-1999 жылдары Нұрсұлтанов Нәдірбай басшылық қызметке кайта оралды. 

Жаңатаң сегіз жылдық мектебі 1998жылы Жаңатаң орта мектебі болып өзгертілді. Оқушылардың өсу деңгейінің жоғарлауына байланысты және білім сапасының көтерілуне орай 1999 жылы мектеп статусын алды.

1999-2013 жылдары аралығында математика пәні мұғалімі Жұмағазина Балсұлу Қанатқызы басшылық қызмет атқарды.

 Қазіргі таңда 2013 жылдың 18 желтоқсанынан бастап Дауылбаева Нүргүл Қонысқызы мектеп басшысы болып қызмет атқарып келеді.

 Мектепте оқу - тәрбие қатар беріліп отырды. Оқушыларымыз аудандық обылыстық жарыстардан жүлделі орындарға ие болып жүр . Мектеп директорлары өз уақытында өз жұмысын адал абыроймен атқара білді.

2014 жылы 30 желтоқсаннан бері Ұлы Отан соғысының «Даңқ» орденінің толық иегері С. Ешбаев атындағы орта мектебі атағын алды. Қазіргі кезде мектебімізде түрлі  үйірмелер  жұмыс жасайды.

Күрес үйірмесі бойынша оқушыларымыз аудандық, облыстық,  республикалық деңгейде бақтарын сынап,  жүлделі орындарда көрініп жүр.

Қазіргі таңда мектептің сыйымдылығы – 100. Бүгінгі күні  92 оқушы II  ауысымда оқиды. Мектеп бір қабатты. Мектептің құрылыс ауданы 754,3 ш.м. құрайды.

Ғимараттың ауқымы – 2186 ш.м.

Жалпы алаңы – 583,8 ш.м.

Паспорт 25.01.2013 жыл жасалған.

Оқыту , тәрбиелеу тілі – қазақ тілінде.

Мектептегі педагогикалық кадрлар құрамы – 27 мұғалім, 1 психолог, 12 техникалық кадрлар қызмет етуде.